Upplýsingasíða um umsóknir í Framkvæmdasjóð ferðamannastaða

Hvað er styrkhæft?

Framkvæmdasjóður ferðamannastaða fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.

Sjóðnum er heimilt að fjármagna framkvæmdir er snúa að:

• Öryggi ferðamanna.
• Náttúruvernd, viðhaldi og uppbyggingu ferðamannastaða og ferðamannaleiða.
• Fjármögnun undirbúnings- og hönnunarvinnu sem er nauðsynleg vegna áðurgreindra framkvæmda. Fyrirhuguðu verkefni skal í umsókn lýst svo skilmerkilega að mögulegt sé að meta styrkhæfi þess.

Styrkur greiðist út í samræmi við lög og reglugerð sjóðsins og eru umsækjendur hvattir til að kynna sér reglurnar. Aðeins eru veittir styrkir til verkefna en ekki til staða eða aðila.

Mótframlag

Mótframlag styrkþega er að jafnaði 20% af styrkfjárhæð. Mótframlag getur verið í formi aðkeyptrar þjónustu, efnis og/eða vinnuframlags.

Takmarkanir á styrkveitingum

Framkvæmdasjóðnum er ekki heimilt:

a) Veita framlög til rekstrarkostnaðar mannvirkja, náttúruverndarsvæða eða annarra ferðamannastaða.

Umsóknarferli vegna framkvæmda á árinu 2027

Umsóknarfrestur:

• Umsóknarfrestur er frá og með 28. september til kl. 13 þriðjudaginn 27. október 2026.  
• Umsóknir sem berast eftir þann tíma koma ekki til álita.

Upptöku af kynningarfundi um umsóknarferlið í ár má finna hér.

Á island.is eru tvö umsóknareyðublöð. Umsækjandi er beðinn um að velja annaðhvort eyðublað I eða II eftir eðli verkefnisins:

I - Þjónusta/aðstaða á ferðamannastað eða ferðamannaleið:

Um er að ræða:

• Verkefni á stað, sem ekki er nú þegar skilgreindur sem ferðamannastaður en viðkomandi hefur áhuga að gera hann að slíkum - ný uppbygging.

• Nýja þjónustu eða aðstöðu á þegar skilgreindum ferðamannastað. Framkvæmdin mun auka afköst staðarins/svæðisins og/eða tengist öryggi eða náttúruvernd.

 Sýniseintak af Umsóknareyðublaði I má sjá hér á PDF.

II - Úrbætur vegna náttúruverndar og/eða öryggis á ferðamannastað eða ferðamannaleið:

Um er að ræða:

• Verkefni þar sem verið er að bæta eða lagfæra núverandi aðstöðu á ferðamannastað sem tengist öryggi eða náttúruvernd.
• Aukin afköst við móttöku ferðamanna en þjónustustig er ekki hækkað. Ef um skipulags- og/eða byggingarleyfisskylda framkvæmd er að ræða, þá þarf að velja I – (Ný) þjónusta/aðstaða á ferðamannastað / ferðamannaleið.

Sýniseintak af Umsóknareyðublaði II má sjá hér á PDF.

Við mat á umsóknum er litið til forsendna og eðlis verkefna. Umsóknir eru metnar og þeim gefnar einkunnir á grundvelli gæðaviðmiða sem stjórn sjóðsins setur sér. Uppfylli umsókn ekki lögbundin skilyrði telst hún ekki styrkhæf og fellur hún þá ekki undir mat stjórnar. Umsækjendur eru hvattir til kynna sér gæðamatsblað sjóðsins.

Athugið að umsóknirnar virka ekki í vafranum Internet Explorer.

Nauðsynleg og lýsandi fylgiskjöl með umsóknareyðublaði:

• Myndir/kort af umræddum ferðamannastað/leið.
• Myndir vegna náttúruverndar.
• Myndir vegna öryggis.
• Kostnaðaráætlun (í excel formati) þar sem gerð er grein fyrir mótframlagi, áætluðum heildarkostnaði við framkvæmdina og umbeðinni styrkupphæð.
• Ef sótt er um styrk fyrir byggingu mannvirkja eða til annarra leyfisskyldra framkvæmda þá verður samþykkt deiliskipulag, fullnaðarhönnun og framkvæmdaleyfi að liggja fyrir.
• Ef sótt er um styrk til skipulags- og hönnunarvinnu þá verður að fylgja skrifleg umsögn sveitarstjórnar og/eða skipulagsfulltrúa viðkomandi sveitarfélags.
  -Umsögn sveitarfélags (útfyllanlegt PDF)
• Skriflegt samþykki allra landeigenda/fulltrúa landeigenda og/eða umsjónaraðila staða og/eða svæða.
  -Viljayfirlýsing / upplýst samþykki landeigenda (útfyllanlegt PDF)

Vistun á gögnum:

• Athugið að innskráningartími í umsóknarkerfinu eru um 45 mínútur frá því að smellt er á "Halda áfram" hnappinn. Eftir það þarf umsækjandi að skrá sig inn aftur. Við mælum því eindregið með því að smella á "Halda áfram" hnappinn reglulega til þess að umsækjandi haldist innskráður.
• Vistið umsókn reglulega.

Opna umsóknareyðublöð

Fyrir nánari upplýsingar má senda fyrirspurn á netfangið framkvaemdasjodur@ferdamalastofa.is. 

Sérstök áhersla er lögð á minna sótt svæði og lengingu ferðatímabils

Í úthlutuninni er lögð áhersla á minna sótt svæði og lengingu ferðamannatímabils. Gæðamat umsókna mun taka mið af þessari áherslu.

Aðrar áherslur og ábendingar til umsækjenda

• Vönduð umsókn. Umsækjendur eru hvattir til að vanda umsóknir og gæta þess að allar nauðsynlegar upplýsingar og gögn fylgi þeim.
  
  
• Undirbúningur umsóknar. Til að auðvelda umsóknarferlið eru umsækjendur hvattir til að undirbúa og vista svör við helstu spurningum umsóknarblaðs ásamt myndum og öðrum fylgigögnum áður en hafist er handa við útfyllingu þess.
  
  
• Hófstillt hönnun og hæfilegt umfang. Við hönnun og útfærslu verkefna er mikilvægt að taka mið af eðli, umfangi og þörfum svæðisins. Lausnir skulu vera hófstilltar, raunhæfar og í samræmi við markmið verkefnisins. Forðast skal óþarfa yfirhönnun og að umfang verkefnisins aukist umfram það sem þörf er á (e. scope creep). Áhersla er lögð á skýrar, hagkvæmar og vel rökstuddar lausnir sem falla vel að umhverfi og notkun svæðisins.
  
  
• Heildarsýn og tengsl við áætlanir. Lögð er áhersla á framkvæmdir taki mið af heildarsýn fyrir viðkomandi ferðamannastað og taki mið af tengslum hans við svæðisbundna þróun, áfangastaðaáætlun og viðeigandi skipulagsáætlanir.
  
  
• Uppbygging ferðamannastaða. Styrkir eru veittir til framkvæmda á ferðamannastöðum eða á stöðum, sem fyrirhugað er að þróa sem ferðamannastaði.
  
  
• Leiðbeiningar um hönnun og mannvirki. Áherslur Framkvæmdasjóðs ferðamannastaða varðandi skipulag og hönnun, útlit og gæði mannvirkja og merkinga koma meðal annars fram í eftirfarandi ritum:

Ferðamannastaðir: Frá hugmynd til framkvæmdar - Skipulag og leyfisveitingar