Stórhöfði Gönguleið

Gönguleiðin upp á Stórhöfða að þessu sinni er um 5 km hringur sem er tilvalin fjölskylduganga.

Nánari upplýsingar

Landshluti

Höfuðborgarsvæðið, Hafnarfjörður

Upphafspunktur

Bílastæði við Hvaleyrarvatn vestan megin

Erfiðleikastig

Þrep 1 - Létt leið

1 2 3 4

Merkingar

Stikuð - merkt leið með stiku, staur eða stöng með reglulegu millibili

Tímalengd

1 - 2 klukkustundir

Yfirborð

Blandað yfirborð

Hindranir

Þrep - Trappa, stallur, stig eða lágur hjalli sem þarf að stíga upp á

Hættur

Engar hættur á leiðinni

Þjónusta á leiðinni

Engin þjónusta

Lýsing

Óupplýst leið

Tímabil

Opið alla árstíma

Þessi skemmtilegi hringur uppi á Stórhöfða við Hvaleyrarvatn hentar allri fjölskyldunni. Gangan hefst við bílastæðið sem er vestan megin við Hvaleyrarvatn og er gengið meðfram bílslóða sem liggur við ræktunarsvæði Skógræktarfélags Hafnarfjarðar. Eftir um 500 metra göngu er skilti á hægri hönd sem á stendur Stórhöfðastígur þar sem beygt er inn á göngustíginn. Stígurinn liggur síðan meðfram Stórhöfða í Stórhöfðahrauni. Skömmu eftir að komið er fram hjá höfðanum blasir við stígur sem liggur til hægri. Honum er fylgt alla leið upp á topp en þar er fallegt útsýni að Helgafelli, Lönguhlíðum og út með Reykjanesi. Gengið er áfram eftir Stórhöfða og síðan niður þar til komið er aftur á veginn við skógræktina og aftur að bílastæðinu.

Sækja göngluleið sem GPX skrá