Strandstígur Gönguleið

Strandstígurinn er göngu- og hjólreiðastígur meðfram Hafnarfjarðarhöfn með ákaflega fallegu útsýni út á Faxaflóann og höfnina. Meðfram stígnum hefur Byggðasafn Hafnarfjarðar sett upp skemmtilega ljósmyndasýningu sem varpar ljósi á dagleg störf og sögu fólksins sem bæinn byggði sem gaman er að skoða. Gengið er fram og til baka og eru þetta um 4 km samtals. Á leiðinni eru bekkir þar sem hægt er að setjast og njóta útsýnisins. Þegar gengið er eftir Norðurbakkanum að má oft sjá fólk með veiðistangir á lofti því vinsælt er að koma þangað og dorga. Bílastæði eru við báða enda leiðarinnar svo hægt er að hefja gönguna þar sem best hentar.