Heildarfjöldi erlendra farþega
Erlendir farþegar til Íslands 2014-2024
Heildarfjöldi erlendra farþega* til Íslands var tæplega 2,3 milljónir árið 2024, þegar allir innkomustaðir eru taldir. Þetta er annað fjölmennasta árið frá upphafi.
Eins og sjá má af töflu hér til hliðar sem sýnir þróunina í fjölda farþega til landsins á 10 ára tímabili varð mikil aukning á farþegum til landsins framan af, eða fram til 2018. Farþegafjöldinn dróst síðan verulega saman þegar kórónuveirufaraldurinn gekk yfir. Farþegum fjölgaði aftur á milli áranna 2021 til 2022, árið 2023 var fjöldinn kominn nálægt því sem hann var metárið 2018 og farþegum fjölgar svo rúmlega 50 þúsund árið 2024.
Tölur fyrir Keflavíkurflugvöll og Norrönu er hægt að greina niður eftir þjóðerni. Áætlaðaður fjöldi fyrir Akureyrarflugvöll er 7.476 farþegar fyrir árið 2024 en tölur fyrir Reykjavíkurfugvöll liggja ekki fyrir vegna áranna 2022-2024. Þær vega ekki þungt í heildinni, eða minna en 0,5% sé mið tekið af síðustu árum.
Erlendir farþegar frá 1949
Heildarfjöldi erlendra farþega með skipum og flugvélum 1949-2024 (Excel)
Heimild:
- Útlendingaeftirlitið: Komur farþega til landsins 1949-2000.
- Ferðamálastofa: Farþegar frá Íslandi um Keflavíkurflugvöll
- Austfar: Erlendir farþegar til Íslands með Norrönu áætlaðir út frá sölutölum.
- Isavia og Icelandair: Erlendir farþegar til Íslands um aðra flugvelli en Keflavíkurflugvöll áætlaðir út frá farþega- og sölutölum
Fjöldi erlendra farþega með skemmtiferðaskipum
Til viðbótar eru farþegar skemmtiferðaskipa en þeir eru taldir sem dagsferðamenn. Árið 2024 komu tæplega 322 þúsund farþegar með skemmtiferðaskipum til Faxaflóaahafna.
Skemmtiferðaskipin hafa viðkomu í höfnum hringunn í kringum landið. Í Mælaborði ferðaþjónustunnar má skoða upplýsingar um fjölda skemmtiferðaskipa og farþega á öllum höfunum landsins, unnið upp úr gögnum SafeSeaNet sem er eftirlitskerfi með umferð skipa.
*Skoða þarf tölurnar út frá þeirri aðferðafærði sem þær byggja á. Talningar á Keflavíkurflugvelli byggja á úrtaksmælingu. Ferðamannatölfræði getur innihaldið sjálftengi farþega sem geta verið á bilinnu 2%-5% af heildarfjölda farþega í mánuði. Sjá nánar í Lýsigögnum
Fjöldi erlendra farþega um Akureyrarflugvöll er áætlaður út frá umferð um völlinn.