Niðurfelld leyfi ferðasala dagsferða

Leyfi ferðasala dagsferða eru ótímabundin. Alla jafna eru þau ekki felld niður að frumkvæði Ferðamálastofu nema að fyrir liggi upplýsingar um að starfsemi leyfishafa sé hætt, einstaklingur sem fengið hefur leyfi á eigin kennitölu fellur frá, eða ef kennitala sem leyfi er gefið út á er lýst gjaldþrota.

Ferðamálastofa getur fellt niður leyfi sé öryggisáætlun leyfishafa sem framkvæmir ferðir ófullnægjandi eða ef leyfishafi uppfyllir ekki lengur leyfisskilyrði skv. lögum um Ferðamálastofu nr. 96/2018.

Leyfishafar geta sent inn tilkynningu um niðurfellingu leyfis ferðasala dagsferða á netfangið leyfisveitingar@ferdamalastofa.is, starfsemi þeirra þarf þá að vera formlega hætt og búið að fjarlægja allar upplýsingar um sölu ferða af vef og úr kynningarefni leyfishafa. Leyfishafar sem útvíkka starfsemi sína og sækja um ferðaskrifstofuleyfi geta óskað niðurfellingar leyfis ferðasala dagsferða samhliða umsókn.