Búrfellsgjá Blönduð leið (ganga og hjól)

Gönguleiðin um Búrfellsgjá er ákaflega falleg gönguleið og tilvalin fjölskylduganga. Búrfellsgjá er 3,5 km hrauntröð sem liggur vestur úr Búrfelli. Hrauntröðin varð til í eldgosi sem talið er að hafi gosið fyrir um 7000 árum. Gangan hefst við bílastæði við Heiðmerkuveg suðaustan við Vífilsstaðahlíð í Garðabæ. Þar er gott skilti sem lýsir leiðinni og helstu kennileitum. Gengið er eftir heillegri hrauntröð og fram hjá litlum hellum sem gaman er að skoða. Við endan er Búrfellið sem er fallegur gjallgígur en upp á hann er brekka með lausamöl svo þar þarf að fara gætilega. Þegar upp er komið er genginn hringur í kringum í gíginn þar sem útsýnið er stórkostlegt til allra átta. Leiðinn liggur svo eftir stíg aftur niður og er gengin sama leið tilbaka að bílastæðinu.