Fossvogur að Gljúfrasteini Hjólaleið

Lagt er af stað frá Fossvogsdal. Þaðan liggur leiðin meðfram Elliðaánum og yfir hjólabrýrnar við ósana og síðan áfram gegnum Bryggjuhverfið, inn Grafarvog og að Keldum við Grafarholt. Síðan er haldið til norðurs að Úlfarsfelli á stíg meðfram Vesturlandsvegi. Hjólað er áfram í átt að Mosfellsbæ og áfram gegnum bæinn, niður að Varmá og aftur upp meðfram Helgafellinu þar til beygt er inn Mosfellsdalinn. Þaðan er leiðinni fylgt allt að Gljúfrasteini. Á bakaleiðinni er hjólað að Hlégarði og íþróttaaðstöðu Aftureldingar og síðan beygt til norðurs farið í gegnum bæinn til að komast á stíginn við fjöruna. Þeim stíg er svo fylgt meðfram ströndinni alla leið aftur að Elliðaárósum. Síðan er hjóluð sama leið og áður aftur inn í Fossvogsdal.