Hveravellir-Þjófadalir Gönguleið

Leiðin frá Hveravöllum að Þjófadölum er töluvert löng en auðveld í göngu, en gengið er eftir merktum stíg frá upphafspunkti að enda. Útsýnið er gott til allra átta og tilvalið fyrir fjölskyldur að fara. Athugið að klæða ykkur eftir veðri en hér eru þið stödd á hálendi Íslands þar sem veður getur versnað skyndilega. Slóðin er aflíðandi mest yfir flatlendi fyrst yfir hraunið og svo taka við grónar sléttur þaktar fjallablómum og berjalyngi. Það eru víða ferskir fjallalækir til að bæta á göngubrúsann tæru vatni beint innan úr jökli. Leiðin liggur upp í gegn um skarð sem ber heitið “Þröskuldur” og þar efst í skarðinu blasa við þjófadalirnir. Ofaní dalnum kúrir Þjófadala skáli Ferðafélags Íslands sem hægt er að bóka gistingu í hjá FÍ.