Ferðalög Íslendinga 2012

Niðurstöður liggja nú fyrir úr könnun um ferðalög Íslendinga á árinu 2012 og ferðaáform þeirra á árinu 2013 sem Ferðamálastofa fékk MMR til að gera fyrr á árinu en þetta er fjórða árið í röð sem Ferðamálastofa gerir könnun sem þessa. Niðurstöður gefa til kynna að álíka margir hafi verið á faraldsfæti innanlands og utan á síðstliðnu ári og árið 2011. Færri fóru hins vegar í dagsferðir innanlands. Langflestir hafa áform um ferðalög á árinu 2013 og eru þau fjölbreytt að vanda.