Farþegar um Keflavíkurflugvöll í október

Rúmlega 154 þúsund farþegar fóru um Keflavíkurflugvöll í októbermánuði síðastliðnum, samkvæmt tölum frá ISAVIA. Þetta eru 22% fleiri farþegar en í október 2009.

Farþegum á leið til og frá landinu fjölgar um tæp 15% og farþegaum á leið til landsins um tæp 18%. Skiptifarþegum fjölgar um 10 þúsund í október, sem er 65% fjölgun á milli ára.

Frá áramótum hafa tæplega 1,6 milljónir farþegar farið um völlinn en til samanburðar þá voru þeir tæplega 1,5 milljónir á sama tímabili í fyrra, sem er 7,32% fjölgun, eins og sjá má í töflunni hér fyrir neðan. Nú er verið að vinna úr tölum Ferðamálastofu fyrir október, þar sem taldir eru allir sem fara úr landi um Leifsstöð. Í þeim má sjá skiptingu eftir þjóðerni og þá kemur í ljós hlutfall erlendra gesta í þessum tölum.