Ferðaþjónusta í tölum 2012 komin út

Árlegur talnabæklingur Ferðamálastofu, Ferðaþjónusta í tölum 2012, er nú komin út. Þar má finna ýmsar hagnýtar upplýsingar um íslenska ferðaþjónustu.

Í bæklingnum eru teknar saman og settar fram myndrænt og í texta ýmsar tölulegar staðreyndir um íslenska ferðaþjónustu, fjölda erlendra ferðamanna, gistinætur og ferðahegun erlendra ferðamanna og Íslendinga. Helstu heimildir eru kannanir Ferðamálastofu meðal erlendra ferðamanna og Íslendinga, talning ferðamanna í Leifsstöð og tölur frá Hagstofunni. Meðal þess sem sjá má í bæklingnum er:

• Hlutur ferðaþjónustu í landsframleiðslu
• Hlutur ferðaþjónustu í gjaldeyristekjum
• Ferðaneysla erlendra ferðamanna
• Kaup á ferðaþjónustu innanlands
• Meðalútgjöld erlendra ferðamanna
• Fjöldi ferðamanna og skipafarþega
• Ferðamenn eftir þjóðerni
• Gistirými eftir landshlutum
• Nýting á gistirými
• Gistinætur erlendra ferðamanna og Íslendinga
• Greining á ferðamönnum eftir kyni, aldri, starfi og tekjum 
• Ákvörðunarferli erlendra ferðamanna að Íslandsferð, ferðahegðum þeirra á Íslandi, útgjöld og viðhorf þeirra til ýmissa þátta
• Ferðalög Íslendinga innanlands og utan, ferðahegðun innanlands og áform um ferðalög