| Lýsing |
í þessari skýrslu er fjallað um þá möguleika sem eru á Akureyri til að taka á móti blindum og sjónskertum ferðamönnum. Komið hefur í ljós að einnig eru góðir möguleikar á að stækka verkefnið án mikils tilkostnaðar. Hér er átt við að hafin yrði móttaka á eldri borgurum þ.e.a.s. fólki sem er 60 ára og eldra eða komið á eftirlaun. Þarfir blindra, sjónskertra og eldri borgara eru svipaðar og sú afþreying sem í boði yrði passar báðum þessum markhópum. Þegar atvinnumálanefnd og bæjarstjórn Akureyrar ræða um hvort ráðast eigi í þetta verkefni, ætti þá einnig að ræða möguleika hvort að stækka eigi verkefnið og beina því einnig að eldri borgurum. Sem betur fer eru blindir og sjónskertir frekar fáir hér á landi. Innlendi markaðurinn er því ekki stór, hinsvegar fjölgar ellilífeyrisþegum hér á landi eins og allsstaðar í hinum vestræna heimi. Ellilífeyrisþegar yrðu mjög sterkur markhópur hér á heimamarkaði. |
