Hagsmunir tengdir ferðamennsku norðan Vatnajökuls

Í þessari skýrslu er fjallað um hagsmuni tengda ferðamennsku norðan Vatnajökuls, tillögur sem fram hafa komið um landnýtingu á þessu svæði og helstu atriði sem talin eru skipta máli varðandi skipulag ferðamennsku á svæðinu. Hér er um tvö viðfangsefni að ræða. Hið fyrra er að skilgreina hagsmuni tengda ferðamennsku á hálendinu norðan Vatnajökuls. Hið síðara er að greina hvort slíkir hagsmunir fara saman við hagsmuni náttúruverndar og virkjana. Greint er frá aðferðum sem hægt er að beita við mat á hagsmunum ferðamennsku, taldir eru upp helstu kostir sem í stöðunni eru og óvissuþættir hvers þeirra. Í framhaldi af því eru settar fram tillögur um rannsóknir sem nýtast myndu til upplýstrar ákvarðanatöku.