Fossaganga í Fljótsdal

Fossagangan hefst við Óbyggðasetur Íslands í Norðurdal í Fljótsdal. Þaðan er um 6 klukkustunda þægileg ganga um afar fallegt svæði meðfram Jökulsá í Fljótsdal upp í Laugarfell. Áin rennur víða í gljúfrum og vestan hennar er Kleifarskógur, náttúrulegur birkiskógur sem gaman er að fara um.

Nánari upplýsingar

Landshluti

Austurland, Fljótsdalshreppur

Upphafspunktur

Óbyggðasetrið í Fljótsdal

Erfiðleikastig

Þrep 2 - Miðlungs leið

1 2 3 4

Merkingar

Ómerkt leið - Engar merkingar til að vísa leið

Tímalengd

6 - 10 klukkustundir

Yfirborð

Blandað yfirborð

Hættur

Vindstrengir - Leið þekkt fyrir kröftuga vindstrengi
Engar hættur á leiðinni

Þjónusta á leiðinni

Engin þjónusta

Ferðaþjónusta er rekin á báðum endum leiðar.

Lýsing

Óupplýst leið

Tímabil

Opið alla árstíma

Í Jökulsá í Fljótsdal er fjöldi fossa af ýmsum stærðum og gerðum. Þeir neðstu eru skammt fyrir innan eyðibýlið Kleif, og síðan allar götur upp að Eyjabökkum. Á þeirri 20 kílómetra leið er fjöldi mikilfenglegra fossa. Fossagangan hefst við Óbyggðasetur Íslands í Norðurdal í Fljótsdal. Þaðan er um 6 klukkustunda þægileg ganga um afar fallegt svæði meðfram Jökulsá í Fljótsdal. Áin rennur víða í gljúfrum og vestan hennar er Kleifarskógur, náttúrulegur birkiskógur sem gaman er að fara um. Nokkrar líkur eru á að rekast á hreindýr á leiðinni. Þegar inn á hásléttuna er komið bíða göngufólks, náttúrulaugar við nýjan og glæsilegan fjallaskála við Laugarfell. Fyrir þá sem vilja ganga niður í móti er ágætt að byrja við Laugarfell og ganga niður að Óbyggðasetrinu. Bæði Laugarfell og Óbyggðasetrið bjóða upp á að skutla fólki milli staðanna fyrir eða eftir göngu.

Skoða fleiri upplýsingar um leið

Sækja göngluleið sem GPX skrá