Farþegar um Keflavíkurflugvöll í ágúst

Tæplega 246 þúsund farþegar fóru um Keflavíkurflugvöll í ágústmánuði síðastliðnum, samkvæmt tölum frá flugvellinum. Þetta eru 6,2% færri farþegar en í ágúst 2008.

Frá áramótum hafa rúmlega 1,2 milljónir farþegar farið um völlinn en til samanburðar þá voru þeir tæplega 1,5 milljónir á sama tímabili í fyrra, sem er 19,4% fækkun, líkt og sjá má í töflunni hér fyrir neðan. Þannig er fækkunin í ágúst mun  minni en verið hefur aðra mánuði ársins. Þá má líkt og verið hefur búast má við að samdráttur í ferðum Íslendinga vegi hlutfallslega hærra í þessum tölum en nemur fækkun í heimsóknum erlendra gesta. Nú er verið að vinna úr tölum Ferðamálastofu fyrir ágúst en í þeim má sjá skiptingu eftir þjóðerni og þá kemur þetta betur í ljós.