Farþegar um Keflavíkurflugvöll 2010

Samkvæmt tölum frá Keflavíkurflugvelli fóru tæplega 1,8 milljónir farþega um völlinn á nýliðnu ári. Þetta er um 8% fjölgun á milli ára.

Alls voru farþegar 1.791.637 á árinu 2010, samanborið við 1.658.409 farþega árið 2009. Hlutfallslega meiri aukning varð í umferð áfram- og skiptifarþega (transit) en meðal þeirra sem voru á leið til og frá landinu. Nú er verið að vinna úr tölum Ferðamálastofu fyrir desember en í þeim má sjá skiptingu eftir þjóðerni og þá mun heildarfjöldi gesta til landsins í fyrra jafnframt liggja fyrir. Nánari skiptingu á farþegum um Keflavíkurflugvöll má sjá í meðfylgjandi töflu.