Farþegar um Keflavíkurflugvöll í nóvember

Í nóvember síðastliðnum fóru rúmlega 107 þúsund farþegar um Keflavíkurflugvöll, samkvæmt tölum frá flugvellinum, samanborið við tæplega 95 þúsund í nóvember í fyrra. Fjölgunin nemur 13% á milli ára.

Tæplega 8% aukning hefur orðið á umferð farþega um völlinn þar sem af er ári sé miðað við sama tímabil árið 2009. Hlutfallslega er fjölun áfram- og skiptifarþega meiri en þeirra sem eru á leið inn í landið eða fara frá því.

Inn í tölunum er öll  umfeð um flugvöllinn og er hún ekki sundurgreind eftir þjóðerni. Á vegum Ferðamálastofu eru taldir allir þeir sem fara úr landi og tölunum skipt niður eftir þjóðerni. Verður fróðlegt að sjá hvernig  þær tölur hafa þróast í nóvember. Nánari skiptingu má sjá í meðfylgjandi töflu.