Nýtt í Mælaborðinu – Yfirlit flugumferðar
15.01.2019
Yfirlit flugumferðar um Keflavíkurflugvöll er nýjasta viðbótin í Mælaborði Ferðaþjónustunnar. Tölurnar eru fengnar af vef Isavia og meðal annars má sjá tíðni á hverri flugleið, fjölda áfangastaða og skiptingu eftir stærstu flugfélögum.
Fleiri upplýsingar munu einnig bætast við á næstunni, svo sem fjöldi aflýstra fluga, fjöldi seinkana, meðalseinkun o.fl. Tölurnar munu uppfærast sjálfkrafa á hverjum degi og þá er einnig unnið að því að bæta við gögnum sem ná lengra aftur í tímann.