Megintilgangur verkefnis Ferðamálastofu um skráningu gönguleiða er að til verði miðlægt skráningarkerfi um gönguleiðir um land allt. Tilgangurinn er að miðla samræmdum og áreiðanlegum upplýsingum um gönguleiðir á Íslandi og hvetja til ferðalaga, útivistar og náttúruskoðunar á ábyrgan og öruggan hátt. Verkefninu er ætlað að auðvelda ferðafólki að velja hentugar leiðir, sem hæfa hverjum og einum, til þess að upplifunin verði sem öruggust og ánægjulegust.
Í þessu leiðbeiningariti er farið yfir notkun á Ardu Simple GPS tæki og SW Maps hugbúnaði til að skrá gönguleiðir. Ferðamálastofa leggur skráningaraðilum til þennan búnað. Ástæðan fyrir notkun hans er nákvæmni gagna en hann gefur kost á að taka sjálfkrafa á móti rauntímaleiðréttingu með tengingu við kerfi Landmælinga Íslands. Þannig verður nákvæmnin í kringum 5 cm en fyrir óleiðréttar GPS mælingar hún getur farið upp í 5-10 m við viss skilyrði. |
