Ísland komdu með - Hvatningarátak

Mynd: Ragnar Th. Sigurðsson

Vorið 2020 fór í gang nýtt átak, Ísland komdu með, þar sem Íslendingar voru hvattir til að ferðast innanlands og kaupa innlendar vörur og þjónustu. Umferð var beint inn á vefinn www.ferdalag.is þar sem nálgast má upplýsingar um þá fjölbreyttu þjónustu sem í boði er um allt land.

Allt efni var hugsað þannig að það nýtist fyrir alla landshluta og að aðilar í ferðaþjónustu og aðrir geti auðveldlega nýtt það í sínu eigin markaðsefni og aðgerðum.

Mikilvægt var að undirbúa okkur vel til að hámarka áhrif átaksins í sameiningu. Kynningarbréf til ferðaþjónustuaðila

Efni til notkunar

Hér má finna efni sem ferðaþjónustufyrirtæki geta nýtt í tengslum við átakið Komdu með.!

Merki fyrir Komdu með átakið bæði fyrir prent- og skjámiðla

 Valfrjálst er að nota bláa litinn, gula, rauða eða alla í bland. Lykilorðin hér eru hressleiki og litagleði.

Rammar fyrir færslur á samfélgasmiðla

Rammar í öllum helstu stærðum fyrir samfélagsmiðla. Bæði hreinir rammar og eins rammar merktir átakinu.

Merki fyrir Ferðagjöf bæði fyrir prent- og skjámiðla

Litagildi

Komdu með - Litir

Ferðagjöf - kynning fyrir ferðaþjónustufyrirtæki

Ferðamálastofa, í samstarfi við atvinnuvega- og nýsköpunarráðuneyti og Stafrænt Ísland, stóð fyrir rafrænum upplýsinga- og kynningarfundum vegna Ferðagjafar. Útskýrt er hvernig fyrirtæki skrá sig skref fyrir skref, sem og hvernig einstaklingar sækja Ferðagjöfina sína. Þetta er gert til að styðja við og þjónusta ferðaþjónustufyrirtæki eins vel og unnt er. Skoða má kynningu frá fundunum hér að neðan en auk þess verður kynningarmyndband sett hér inn fljótlega.

Opna kynningu 

Kynningarmyndband

Efni frá kynningarfundi 26. maí

• Andri Heiðar Kristinsson og Þórhildur Gunnarsdóttir - Frá Stafrænt Ísland / Parallel ráðgjöf
  kynntu Ferðagjöfina, smáforritið og þá hlið sem snýr að fyrirtækjunum.
  
  
• Halldór Arinbjarnarson - Ferðamálastofa
  kynnti uppfærslu á Ferðalag.is og tengingu við Ferðagjöf.

• Oddný Þóra Óladóttir - Ferðamálastofa
  kynnti niðurstöður úr nýrri könnun á vegum Ferðamálastofu um ferðaáform Íslendinga árið 2020
  - Könnunin í heild

• Jóhannes Þór Skúlason, framkvæmdastjóri Samtaka ferðaþjónustunnar stýrði fundinum, sem var í beinu streymi á Facebook-síðu Ferðamálastofu. Þar má nú nálgast upptöku af fundinum

Efni frá kynningarfundi 27. apríl

• Kynning: Elías Bj. Gíslason - Ferðamálastofa
• Kynning: Hreiðar Þór Jónsson Brandenburg/Datera
• Upptaka frá fundinum

Hvernig laða ég Íslendinga að?

Nú þegar fyrirséð er að Íslendingar verða í meirihluta ferðamanna í sumar er vert að ferðaþjónustan velti fyrir hvernig best er að þjóna þessum hópi. Hér að neðan nokkrar ábendingar sem vert er að hafa í huga:

• Hafið kynningarefni í íslensku
• Verið með verðlista í íslenskum krónum
• Kennið starfsfólki ykkar sem ekki talar íslensku í það minnsta að bjóða góðan dag, gott kvöld, góða nótt, góða ferða og takk fyrir. Sjá orðalista frá Hæfnisetri ferðaþjónustunnar 

Hvað er tilboð?

Hver þiggur ekki gott tilboð? Tilboð geta verið margskonar og mikilvægt að hafa hugfast að þau þurfa alls ekki að vera í formi verðtilboða. Mikilvægast er að hvetja til viðbótarsölu. M.ö.o. að veita ekki afslátt af grunnverði heldur að leggja sig fram um að fá gesti til að stoppa lengur, borða oftar, gera meira á svæðinu og þannig auka tekjur. Mikilvægt er að muna að sé þjónusta seld sem pakkaferð þarf ferðaskrifstofuleyfi.