Farþegum um Keflavíkurflugvöll fjölgar áfram

Í september síðastliðnum fóru rúmlega 180 þúsund farþegar um Keflavíkurflugvöll, samkvæmt tölum frá flugvellinum, samanborið við tæplega 165 þúsund í september í fyrra. Fjölgunin nemur 9,4%.

Fjölgunin í september er í takt við þróun farþegafjölda fyrir árið í heild en frá áramótum hefur farþegum fjölgað um 10,21%. Tölurnar eru greindar niður eftir því hvort farþegar eru á leið til landsins, frá landinu eða hvort um áfram- og skiptifarþega (transit) er að ræða. Nokkur fækkun  (9,5%) er í hópi ?transit-farþega? á meðan farþegum á leið til og frá landinu fjölgar um 14,3%, þannig að heildarfjölgunin það sem af er ári er 10,21%, sem fyrr segir. Nánari skiptingu má sjá í meðfylgjandi töflu.