Gistinóttum á hótelum fjölgaði um 36% í janúar

Hagstofan hefur birt tölur um gistinætur á hótelum í janúar. Sem fyrr vekur Hagstofan athygli á að tölurnar ná eingöngu til hótela sem opin eru allt árið. Til þessa flokks gististaða teljast þannig hvorki gistiheimili né hótel sem eingöngu eru opin yfir sumartímann.

Gistinætur á hótelum í janúar voru 123.800 sem er 36% aukning miðað við janúar 2013. Gistinætur erlendra gesta voru 84% af heildarfjölda gistinátta í mánuðinum en þeim fjölgaði um 39% frá sama tíma í fyrra á meðan gistinóttum Íslendinga fjölgaði um 22%.

Talnaefni á vef Hagstofunnar