Þokkalegt jafnvægi í umferð skemmtiferðaskipa eftir mikið vaxtarskeið
14.11.2024
Skemmtiferðaskip á siglingu inn Eyjafjörð. Mynd: Edda G. Aradóttir
Ferðamálastofa hefur aflað upplýsinga um umferð skemmtiferðaskipa og áætlaðar tekjur af þeim fyrir þetta ár og það næsta, hjá þeim sex höfnum landsins sem stærstar hafa verið í slíkum viðskiptum. Þessar sex hafnir tóku til samans á móti um 95% heildartekna íslenskra hafna af þjónustu við skemmtiferðaskipin í fyrra.
Á grunni þessara og fleiri gagna hefur Ferðamálastofa unnið nýja greiningu á stöðu og horfum um umferð þessara skipa hér við land og umfang þeirra í ferðaþjónustunni.