Vakinn - gæðaviðmið fyrir Hostel

Gæðaviðmið fyrir hostel hafa litið dagsins ljós og eru aðgengileg til skoðunar á heimasíðu Vakans www.vakinn.is. Þar með eru gistiflokkarnir orðnir fjórir talsins, sem hægt er að sækja um stjörnuflokkun í en hinir eru hótel, gistiheimili og heimagisting.

Gæðaviðmið fyrir orlofsíbúðir og bústaði svo og tjaldsvæði koma inn síðar á árinu. Eins og með önnur viðmið þá voru hostelviðmiðin unnin í samvinnu við aðila sem koma að rekstri slíkrar tegundar gistingar og er þeim þakkað þeirra framlag.

Mikill vöxtur er í Vakanum um þessar mundir og listinn yfir þau fyrirtæki sem eru í ferli fer ört stækkandi, nú eru alls 93 fyrirtæki í ferli, mislangt komin þó.