Vel heppnuð Vestnorden kaupstefna að baki

Nú eru komnar hér inn á vefinn myndir sem teknar voru á Vestnorden 2010 á Akureyri. Kaupstefnan þótti takast með miklum ágætum en þátttakendur voru um 550 talsins.

Kynningar á aðildarlöndum kaupstefnunnar og móttökur fóru fram í nýju og glæsilegu menningarhúsi Akureyringa, Hofi, en kaupstefnan sjálf fór fram í Íþróttahöllinni. Þar var einnig hátíðarkvöldverður í gærkvöld sem var sannarlega glæsilegur lokapunktur á vel heppnuðum dögum. Fram kom að Vestnorden 2011 verður haldið í Færeyjum dagana 13.-14. september á næsta ári.

• Skoða myndir frá Vestnorden 2010